بيتزا اللحمة المفرومة بالجبن والخضار🫶

عجينة البيتزا::
كوب ونصف حليب بارد هنضيف عليه الخميرة الفورية وملعقة كبيرة سكر ونخلطهم كويس ونغطي الكوب حتى ٥ او ٦ دقائق حتى نتأكد من اختمار ونجاح مكون اللبن مع الخميرة والسكر.
في طبق غويط هنحط المكون ده ومعاه ثلث كوب زيت الزيتون ونخلط كويس وننزل بالمكونات الجافة، الدقيق، اربع اكواب كاملين، مع رشة من الملح وهنعجنها باليد حتى نضمن نتيجة افضل وقوام مطاطي ده الي عايزين نوصله.
و في طبق غويط نرش رشة من زيت الزيتون ونتركها ساعة ترتاح ونغطيها.

بتأخذ في الفرن بين ال١٠ ل١٥ دقيقة وعلى الشواية من ٣ ل٥ دقائق وتركه حلوة أثناء إضافة المكونات الجافة البيتزا زودوا رشة من الروزماري او الزعتر واعجنوها بجد هتفرق معاكم كأنها جاية من ايطاليا مخصوص.

أثناء اختمار العجين يلا نحضر الصوص::
هنسخن ماء على النار وتعمل فتحات خفيفة ونشيل جدرها ونحطها في الماء الساخنة، نسبها شويه ونطلعها من الماء ونقشرها هتتقشر بكل سهولة ونحطها في الخلاط مع ملعقة كبيرة من الصلصة، ملعقة صغيرة ثوم مفروم، قرن فلفل حامي (اختياري)، فلفلة رومي خضرة، رشة ملح خفيفة، رشة فلفل اسود، نص كوب ماء اضربيهم في الخلاط لحد ما يكون القوام مظبوط لو لسه عايزة ماء زودي.

في حلة على النار هننزل بالبصل المفروم ونحمره مع ملعقة زيت ويتحمر وياخذ اللون الذهبي هننزل بالصلصة ولما تغلي وتتقل شويه هنرجعها الخلاط ونضربها ضربتين ونرجعها الحلة ونضيف البهارات الي هتخلي طعمها وريحتها جنان
ملح، فلفل اسود، كمون، كزبرة، آوريجانو، زعتر، هيخلوا ريحتها وطعمها بجد حلو اوي اوي وممكن رشة من الريحان لو حابين.
و خلوها تتسبك واظبطوا الملح.

العجينة بقت جاهزة هنجهز الصواني وهندهن الصينية بالزيت والاطراف وممكن نضيف ورق زبدة عشان متلزقش او تركة تانيه ربع كوب سميد وبعدين هنقسم العجبنة ونوزعها في الصواني وننزل بكبشة من الصوص ورشة خفيفة جبنة وننزل باللحم المتعصج ونغرقها جبنة انواع او نوع واحد الي تحبيه ونحط خضارنا
الفلفل الرومي الحلقات، المشروم، البصل، الزيتون ورشة كمان خفيفة من الزعتر على الوجه وتدخل الفرن.

اهم حاجة الوصفة دي بتاعتك يعني ضيفي او احذفي اي حاجة تحبيها بس إلا الأساس وهي سر التحدي بتاعنا اللحمة المفرومة😉❤️
و الف هنا وشفا على قلبكم جميعاً❤️