ناخذ السميد+ملح+خميرة+زبدة ذاءبة و نخدمها مليح بين اليدين حتى تتبسس مليح ثم نتركها ترتاح لساعات او ليلة كاملة

ثم نضيف ماء الزهر للخليط بدون عجن حى الحصول على عجينة طرية نقسمها نصفين و نقرص الاولى و نضعها في سنيوة مدهونة انا استعملت تاع زجاج باش نشوفه كي يحمار من تحت

من بعد نضع الحشو و نزيد من فوق الطبقة الثانية من العجبن بعد ما نقرصها فوق نايلون لتسهيل العملية

ثم نقسمها مقروطات او مربعات حسب الذوق و ننقشها و نزينها باللوز

ندخلها الفرن ١٨٠ درجة مدة تقريبا ٤٥ دقيقة حتى يطيب مليح من داخل و هذا هو السر

نسقيه بالعسل مخفف بشوية ماء الزهر و يكون بارد فور اخراجه من الفرن

و نخليه يرتاح منقطعوهش حتى اليوم لي من بعد

ملاحظة: يمكن استعمال الغرس او الكاوكاو بدل اللوز

بالعافية