المحاشي السورية

15 كوكباديين ينوون تحضير هذه الوصفة
تعديل الوصفة
شاهد أخبار وصفتك
شارك
شارك

المكوّنات

٣ -٤ أشخاص
  1. 2 كيلوكوسا
  2. ¼ كيلولحمة مفرومة ناعمة مدهنة
  3. 2ونص كاسة رز قصير او ايا نوع انتو بتحبوه
  4. 2 راسثوم
  5. 5 حباتبندورة (طماطم) للمرقة مخفوقة على الخلاط
  6. 2 حبةبندورة للحشي
  7. 2 حبةفليفلة حلوة
  8. ملح بهار لحمة فلفل اسود نعناع يابس عصفر
  9. 2 حبةبطاطا مقطعة داوئر
  10. قطعلحم بعضمو ولية (اختياري)
  11. دبس بندورة

الخطوات

  1. 1

    نحفر الكوسا (انا بحبا محفورة وسط لا سميكة ولا رقيقة مشان تطلع طعمة الكوسا)

  2. 2

    ننقع الكوسا اقل شي ساعة ب (ماء ملح ثوم مقطع قطع كبيرة نعناع يابس)
    مشان ماتكون الكوسا محلونة

  3. 3

    بنجهز الحشوة:
    نضع الرز المنقوع والمغسول
    اللحمة
    البهار المذكورة بالمكونات
    ملعقتين كبار سمنة (لأنو اللحمة مو مدهنة عندي)
    واذا عندك لية ذائبة ملعقة بكفي
    راس ثوم مقطع

  4. 4

    انا بحب افرم شوي من حفارة الكوسا مقدار كاسة وبضيفا مع الحشوة هيك مابيخبص الرز وبتعطي نكهة طيبة

  5. 5

    نجهز طنجرة الطبخ ندهنا بشوية سمنة او زيت نباتي
    نضع قطع البطاطا المقطعة
    نضيف قطع اللية او اللحم بعضمو
    رشة ملح ورشة فلفل اسود

  6. 6

    نحشي الكوسا كلا (لتما بدون ضغط) لأنو ضفنا حفارة بقلب الحشوة ما بترزرز

  7. 7

    نصف الكوسا بالطنجرة
    الكوسا الكبيرة اول وبعدا الظغيرة ويلي منقورة بنحطا على الوجه مع البندورة لأنو دغري بتستوي

  8. 8

    نجهز المرقة
    نضيف البندورة المخفوقة مع بصلة مفرومة ناعمة
    نغليهن على النار على اول غلوة نطفي الغاز

  9. 9

    نضيف الماء يلي نقعنا فيهن الكوسا فوق البندورة مع رشة ملح حسب الرغبة وملعقة دبس بندورة

  10. 10

    نضيف المرقة فوق الكوسا لينغمرو ونضع صحن على الكوسا مشان ما يطلعو على الوجه المرقة (يفوشو)

  11. 11

    اول شي بنحطن على نار قوية ليبلشو يغلو بنخفف الغاز على الأخير وبتركن يستوو عمهلن
    بس تطلع ريحة المحاشي هيك بكونو صارو نص استواء
    هون بنتبه عليهن كل شوي ليوصلو لدرجة الاستواء المطلوبة وما ينهرسو

  12. 12

    بس يستوو بصفي المرقة فورا لانو اذا تركناها بينطبخو بزيادة

  13. 13

    النتيجة النهائية 😋

  14. 14

    وصحة وهنا وعوافي...🤍

تعديل الوصفة
شاهد أخبار وصفتك
شارك

الكوكسناب

هل جرّبت هذه الوصفة؟ أضف صورة طبقك واكتب قصّة تجربتك

رسم كرتون رمادي مرسوم باليد لكاميرا ومقلاة مع نجوم تتصاعد من المقلاة
سأطبخها اليوم
Rasha Alghazzi Syrian Cooker
نُشرت في

التعليقات

وصفات مشابهة