بسم الله
ملاحظة (النوع الثاني درتلو زبيب وروليتو وقصيتو بلخيط وهو نفس العجينة)

في بول ندير الحليب الماء الدافي لخميرة والسكر والفانيلا ومبشور الليمون نخلطهم نزيد بياض البيض والزبدة الذايبة نلم بلفرينة ونزيد الملح ،لابات جي طرية نخليها ترتاح تقريبا ساعة ،نهبطلها الطلوع نرش الفرينة ونحل العجينة مستطيل ندير الشوكولاتة في نصف لابات ونقلبها ونعاود نحلها بال حلال نقطع بلجرارة او لموس شرائط ونروليهم.

نحطهم في بلاطو كنت درتلو ورق الطهي نخليهم يخمرو للمرة الثانية بعدها ندهنهم بصفار البيض لي خلطتلو شوية قهوة ندخلو يطيب من لفوق ولتحت.كي نخرجو ندهنو بلاجولي وهو سخون ونرش السكر الناعم.

ويتقدم مع الحليب يجي ماشاء الله