اول حاجه لو السمك بطنه مش نضيفه نصفيها الاول بأننا نمسك السمكه ونفتح فتحه صغيرة تحت الزعانف اللي في البطن على طول بالمقص ونتني السمكه تانيه خفيفه ونشيل اللي جوه (الأمعاء يعني), والطريقه دي تحتفظ لو فيها بطروخ مايطلعش والمصارين بس اللي تخرج نغسل السمك كويس ونخلي عليه شوية ميه

نجيب صاج حديد أو صينية تيفال اكبر مقاس وندهنها دهنت زيت وعلى النار تسخن

لما الصاج يسخن ما تصفيش السمك خالص من الماء يكون مبلول وننزل بالسمك على الصاج وهوا سخن ونرص السمك اهم حاجه يكون مندي من الماء لأن اللسعه دي مع السخونه تديله لون حلو وما تخليهوش يلزق وبالفرشه السيلكون ندهن الوجه اللي فوق زيت خفيف لحد لما نحس أنه اخد اللون الذهبي الغامق شويه من تحت نقلبه على الوجه التاني وبالفرشه نحط زيت حوالينا السمك كل لما يكون محتاج بس عشان ما يشربش زيت كتير ويبقى زي المقلي

ولما يبرد شوية نغطيه بورق فويل عشان يفضل طرب
وممكن نعمل معاه رز صياديه أو رز واحدة وواحده
وبالف هنا ♥️

ملحوظه
انا الصاج اللي بشويه عليه عملاه عموله عند الحداد لو مش متوفر ممكن استخدام صينية أو طاسه تيفال واسعه اكبر مقاس وعلى فكره برضو لو سمك كبير بعمله بنفس الطريقه ويبقى جميل ولو على الريحه انا بهوي المكان كويس بعد لما بخلص وبيكون الساج سخن بحط عليه قشر الليمون المعصور أو ميه تغلي على النار بفانيليا وكام عود قرنفل وبس كده اتمنا تجربوه