العجينة: نخلط كأسين فرينة، ملعقة كبيرة سكر، ملعقة كبيرة خميره الخبز، ربع كأس زيت، ملح، ونلم العجينة بماء دافئ حتى نتحصل على عجينة طرية ندلكها دقيقتين ونخليها تختمر...
الحشو إختياري: أنا قليت البصل مع حبة جزر بعد ما يذبالوا ضفت دجاج مرحي وشوية ملح وكيري دجاج وفلفل أسود وفالأخير ضفتلها فرماج (جبنة)...

بعد ما تختمر ويتضاعف حجم العجينة نحلها بالحلال بسمك رقيق ونقطعها دوائر حسب الرغبة كبيرة أو متوسطة ونبدأ نحط الحشو مع الفرماج ونحاول نبلعها مليح ونشكلها كريات ونحطها فوق ورق الطبخ وندهنها بصفار البيض مع ما ك خل ابيض وزينتها بالجلجلان ودخلتهم للفرن مسخن من قبل حتى يتحمروا مالتحت ونشعل عليهم من الفوق حتى يتحمروا مليح ونخرجهم وشهية طيبة 🥰