نحضر كل المكونات ونبدأ على بركة الله، في مقلاة من الأحسن تكون شوية ثقيلة نحط القليل من السكر كي يبدأ يذوب نضيف عليه كمية قليلة ونحاول نحرك المقلاة فقط.

ملاحظة: ✔ الكاس اللي كيلت بيه السكر سعته 180 ملل.
✔والكاس اللي عبرت بيه القهوة سعته 150 ملل.

بنفس الطريقة حتى نكمل كل كمية السكر اللي عندي لازم نذوّب السكر على نار هادئة بالتدريج ولازم نوقفو عليه لخاطر نغفلو شوية يتحرق، المهم كي يذوب نقدرو نحركو بفرشيطة أو ملعقة خشبية.

نضيف المارغرين ورشة الملح لتعديل الذوق وندخلها مليح، من جهة أخرى حطيت القهوة في طاوة صغيرة مع قهوة سريعة الذوبان ونخليها تغلي ونضيفها على الكراميل مع التحريك المستمر.
ملاحظة: ✔كي نستعملو القهوة ساخنة جدا ما يتحجرش السكر ويتجانس تم تم.

نخلط الكل جيدا حتى تتجانس المكونات ثم نضيف علبة فلان كراميل ونحرك بسرعة حتى تذوب دائما على نار هادئة.

ثم نضيف مقدار ملعقة كبيرة شكولاتة سوداء مبشورة أو مقطعة قطع صغيرة ونحرك جيدا كي ذوب نخليها تغلي غلية وحدة ونطفي عليها ونفرغها في صحن باش يبرد.

كي يكون سخون يكون سايح بزاف غير يبرد يولي ثقيل مثل الطوفيا، يستعمل في تزيين الكيكات وحشو الصابلي.، حطيتو بجيه لحين الإستعمال.