قالب كيك قطره ٢٤ ارتفاعه ٩ سم
اول خطوه لازم نجهز القالب بدهن القالب بملعقه كبيره من الطحينيه ولازم توصل الطحينيه لكل زوايا القالب حتى ما يلزق اشي فيه والطحينيه بتعطي لون حلو وازبط من ما تحطو زيت وطحين (وهذا اختياري حسب الذوق)

الكوب المعياري يساوي ٢٥٠ مل بيكون هو كاسه الشاي الموجوده في كل بيت
هذا كوب معياري اعتمديه

اهم ثالث معلومه معانا هي لازم ننخل الطحين لأكثر من سبب
الطحين دايما بيكون مخزن باكياس بجمع رطوبه وهاي الرطوبه بتعمل فشلان سواء بالعجينه او بالكيك

بنخل الطحين والنشا (والنشا مكون اساسي بالكيكه) بضيف البيكنج باودر وبنخلهم مع بعض وبحرك كل المكونات مع بعض ضروري جدا ادمجهم مع بعض

بالخلاط العدي نضع حبه برتقال مغسوله منيح ومقطعه وبحطها بشاف الخلاط بضيف عليها الزيت وعصير البرتقال (وحبه البرتقال ابدا مش رح تمرر الكيكه) وبخلط المكونات مع بعض

اهم معلومه معانا هو البيض ولازم يكون بدرجه حراره الغرفه لانه البيض بيكون بارد بالثلاجه بخلي الكيه تهبط معنا بالفرن
وع درجه حراره عاليه رح يفسد الكيكه ولتاخذو افضل النتائج لازم تحطو الخمس بيضات وما تنقصو منهم ولا بيضه

بنخلط البيض بمضرب العجان مع الخفق ورح أضيف السكر بس بالتدريج ع ٤ دفعات ورح اخفق على سرعه عاليه لحد ما احصل على القوام الي بدي ياه ولازم الخفق ما يقل عن ١٠ دقائق ف بحط نص كوب نص كوب نص كوب نص كوب لحد ما اخلص كل الكميه رح ضيف ملعقه من الفانيلا السائله حكمل خفق لوصل لقوام كريمي

القوام بيكون ثقيل واللون بيكون بيج فاتح ورح أضيف كميه البرتقال الي عملناه ورح اخفق على أقل سرعه موجوده بالخفاقه

الطحين رح ارجع انخله كمان مره فوق الخليط ع دفعتين ورح اخذ بالسباتله من تحت لفوق بكل رواق من تحت لفوق لما تختفي عندك كل المواد الجافه الي حطيناها برجع بضيف باقي الطحين

بضيف خليط الكيك بالقالب المدهون بالطحينيه وبنخبط ٣ خبطاط وبخشبه او سكين بنعمل حركه دائريه لحتى طلع الفقاعات الموجوده بالقالب
بحط القالب المحمى مسبقاً على درجه حراره ٢٥٠ وع الرف الثاني يعني الرف الأوسط من الفرن بدخل الكيكه وبهدي الحراره ١٨٠ ممنوع نفتح ع الكيكه قبل ما يمر ٣٠ دقيقه
بضل من ٤٥ دقيقه ل ٥٠ دقيقه مش اكثر من هيك بيكون جاهز القالب

بنعمل صوص البرتقال
بنضيف البرتقال مع نص كاسه من السكر وملعقه صغيره من النشا وبدمجهم ع البارد برفعهم على الغاز مع استمرار التحريك واول ما يغلى معي على طول بطفي الغاز

وصحتين وعوافي