نضع البيض والسكر نطلعهم بالباتور

نضيف الزيت تدريجيا بعدها نضيف الحليب

حتى يمتازجو ونضيف الفاني ومبشور من قشور القارس حسب الاختيار

بعدها نضيف السميد تاعنا ونخلطو مليح باه ميقعدش مكربع ونضيف معاه الخميرة ونخلطو

في مول ندهنوه بالزيت نفرغ الخليط تاعنا ونخبطو باه يخرجولنا هاذوك الفقاعات تاع الخميرة

نوضعو في فرن يكون مسخن من قبل من الاسفل وكي تطلع وتحمار من لتحت نشعلو من لفوق

كي تحمار البسبوسة تاعنا نجبدوها

بعد ما نخدمو السيرو تاعنا نديرو السكر والماء في طاوة نخليوهم يغليو حتان يعقادو شوية مع قشور القارس

ونطفيو عليه بعدها نخليه يبرد مليح ونشرب بيه البسبوسة نتاعنا وهيا سخونة باه تشرب

ونزينوها من الفوق بجوز الهند او كوكاو مرحي حسب الذوق