اولا نعصر البرتقال بالعصاره في الكيتشن لو مش متوفر عندك الكيتشن قطعى الكميةواعصريها في الخلاط وفي الحالتين ضيفي السكر وبشر البرتقال وفي حله غطيها وكل ساعة قلبى وغطى علشان نستخلص كل العصير والفوائد الصحية والسكر يذوب لوحده

بعد ست ساعات لو معصور كيتشن خلاص لو خلاط صفى كويس من الشوائب انا مش بحب اغليه فكره الغليان دى للسيرم والعصير المحفوظ مش العصير الفريش

في حله ضيفي الجزر وربع كوب بشر برتقال وخلى الماء تغطى بس ومعلقه سكر كبيره وخليهم يستوي لحد ما الماء تقل خالص وسيبيه يبرد

بعدها اخلطى الاتنين على بعض طبعاً لو عملتيه هتحسى أنه فصل عن بعض لا لانه دى بقى مرحله التجميد ودى بقى بتجلى كله يتجانس مع بعضه وبعدها عن تجربه هيفضل لتانى يوم تقيل وطعمه احلى من تانج نفسه

بعد ما تخلصى الكميةكلها قسمى في اكياس وفرغى الهوا منها وخلى في الفريز والكيس اللي هو كوبين بيعمل لتر تقيل وتقدرى تتحكمى في التحليه حسب الرغبة علشان كده قللت السكر وبالف هنا ❣️