عملت ضعف الكمية لحتئ تصير عندي كيكة كبيره..وخبزتها بالفرن وبعد ما بردت قسمتها ثلاث طبقات

بنخفق الدريم ويب والحليب والمويه مع ربع كوب من خليط الكاكاو (لما بنعمل الكيك بنخلي كوب ع جنب ولما نعمل ضعف كمية الكيك راح يصير عنا مقدار كوبين ع جنب) بنخفق كويس لحتئ تصير عنا كريمة كثيفه وبنحطها بالثلاجة عشر دقايق لتبرد

الكريما هذا بنقسمها نصين.. نص بنحطه بوعاء اخر وبنرجعه الثلاجه والنص الاخر بنخليه للحشوة بس النص اللي بنخليه للحشوة بنحاول يكون اكتر بشوي من النص اللي بنرجعه بالثلاجه

بنبدا نحشي بين الطبقات.. والباقي بنغطي فيه الكيكة بالكامل

بنحط الكيكة بالثلاجه نصف ساعه لحتئ تبرد كويس

اذا زادت كريما من الحشوة مش مشكله راح نستخدمها بالتزيين

بعد ماتبرد الكيكة.. بنجيب الحشوة اللي حطيناها بالثلاجه وبنحط عليها باقي خليط الكاكاو.. وبنخلط كويس بالمضرب الكهربائي بعدين بنبدا نشكل باستخدام الكيس الحلواني

انا زادت معي من كريما الحشوة.. عملت عالوجه دائرة من كريما الحشوة ودائرة من كريما الشوكلا وبعدين زينتها

بنخليها تبرد بالثلاجة اكثر من ساعتين وبالعافيه