اول اشي بتغسلي الفيليه بالليمون والكمون وخليه ينقع خمس دقايق

بعدين بتغسيليه منهم وبتجيبي يا صينية شوي او بايركس الي بدك اياه وحطي بألبو قصدير بس قطعة اكبر من حجم الفيليه مشان تسكري عليها.. حمي الفرن على درجه عاليه

حطي الفيليه على القصدير بعدين حطي شوية بهارات متل ملح فلفل اسود كاري بابريكا بهارات لحمة بهارات سمك.. عشان تطلع طعمة رهيبة..بعدين حطي عليهم شوية شطه حسب الرغبة واعصري ليمون.. افركيها بإيدك منيح مشان تختلط البهارات بعدين سكري القصدير عليهم

بعد ما تسكري عليهم بالقصدير حطيهم بالفىن مدة تلت ساعه لنص ساعه يعني لتستوي.. وبعدها بتكشفيها وبتحمري وجها

بعدين بس تتقدم اعملي جنبهم سلطه وبطاطا مقليه.. يعني حسب الرغبه.. وصحة وعافية