شاورما سهلة وسريعه
يمكن الخطوات كتار بس شغلها سريع.. وما صورت كل شي من قلة الوقت .. جربوها والله بتشهي وهي بتشبه الشاورما الحلبي
شاورما سهلة وسريعه
يمكن الخطوات كتار بس شغلها سريع.. وما صورت كل شي من قلة الوقت .. جربوها والله بتشهي وهي بتشبه الشاورما الحلبي
الخطوات
- 1
بتسلقي الجاج كالعادة بالبصل والملح والفلفل اسود والكاري وورق الغار
- 2
بس ينسلق بطلعي الجاج وبتصفي المرقو مشان تعمليها شوربة شعيريه بالاخير
- 3
بس يبرد الجاج سحبيه بأصابعك يعني فتفتيه رفيع وناعم
- 4
بعدين بمدقه حطي ٤ سنون ثومه ونص قطعة فلفل حار
- 5
بتجيبي طنجرة بتحطي فنجان زيت زيتون وبتحطي الثومة والفلفل المدقوق وبتشوحيهم ليصير لونهم دهبي وريحتهم حلوة
- 6
بتحطي الجاج عليهم وبتوطي النار وبتحطي اي نوع بهارات عندك كل الانواع بتحطي نص ملعقى صغيرة من كل بهار متل كاري فلفل اسود بابريكا قرفة زنجبيل هيل بهارت جاج ولحمه اما بهارات الشاورما حطي ملعقه كبيرة
- 7
حوسيهم ١٠ دقائق.. وطفي النار تحتهم وغطيهم
- 8
بتقطعي خبز الشراك لارباع والجبنه كل مربعه ل٦ شرحات.. يا رب تكون مفهومه
- 9
بتجيبي قطعة الشراك بتخلي راس المثلث لفوق وبتحطي شرحتين جبنه وفوقهم شوية دجاج بتحطي عليهم شوية مايونيز واكم حبة زيتون اسود وبتلفيها عادي متل ورق العنب بطريقة سهلة
- 10
ولفي لتخلصي الدجاج.. بالاخير.. بتجيبي المكبس الي لتسخينهم يلي بتعرفيه.. مشان يطلع عليهم خطوط حمر بجنن
- 11
وبتقلي جنبهم بطاطا.. وجنبهم شوربة الشعيرية..وجنبهم بيبسي
- 12
وقدميهم والف صحه وهنا جربوها وصورها واحكولي رأيكم..
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات