منغسل الملفوفة متل ماهي بس منشيل القمع تبعها وبعدين منسقطها بطنجرة مي سخنة هي و عنار هادية

بهالطريقة الاوراق بيفكو لحالون بدو مايتشرط الملفوف وكل شوي منفك طبقة ورق من الملفوفة وهيك حتى نخلص

مننقع الرز نص ساعة بعدين منصفي ومنضيف عليه اللحمة والتوم المدقوق والكمون والملح

منبلش لف لحتى تخلص الكمية منحط بسفل الطنجرة ضلوع وراق الملفوف (مشان مايلزق المحشي) ومنصف المحشي

منحط فوقو دبس رمان شي نص كباية ومنتقلو بصحن وفوقو تتقيلة ومنضيف مي وملح وعنار عالية بس غلي منضعف ومنتركو ساعة وربع ع نار هادية بعدين منطفي ومنقدمو جمبو فجل 😋

ان شالله يعجبكم والف صحة وهنا يارب

ملاحظة اذا بتحبو طعمة التوم قوية بتقدرو قبل ماتطفو تحمسو كم سن توم مدقوقين مع نعنع يابس بس تصفر بتقلو المحشي فيها يغلي غلوتين وبتطفو وبتقدمو وبالهنا 😋😋