ملوخية بالدجاج ع طريقتي😋
أنا وزوجي كتير بنحب الملوخية لهك بنبسط وبحس بمتعة وأنا ع إطبخا انشالله تعجبكن طريقتي😊
ملوخية بالدجاج ع طريقتي😋
أنا وزوجي كتير بنحب الملوخية لهك بنبسط وبحس بمتعة وأنا ع إطبخا انشالله تعجبكن طريقتي😊
الخطوات
- 1
اول شي بحط طنجرة فيا مي ع النار وبستناها لتغلي وبس غلت بحط فيا ورق الملوخية شي خمس دقايق شي إن تدبل و يتغير لونا واذا فيا اثر غبرة من التيبيس بيروح بالمي
- 2
بنصفي الملوخية وبنحطا ع جنب
- 3
بطنجرة تانية بحط مي وبسلق صدور الدجاج وبضيف قطع بصل وتوم وحبات هيل بس ومابحط قرفة او بهار حتى ماتغير لون صدور الدجاج وتظل ع بياض وبس استوت بصفي الصدور وبتركا لتبرد وبعد بفتتا شرحات متوسطة
- 4
بقشر راس التوم وبفرمن وسط وكل ماكان التوم اكتر كانت اطيب
- 5
بطنجرة بحط زيت وبلش بقلي بورق الملوخية لحتى تاخد شكل ولون
- 6
بطنجرة الطبخة بحط زيت بقلي التوم وكزبرة ناشفه والدجاج سوا شي 5 دقايق بعدا بضيف ورق الملوخية وبقلبن سوا شي عشر دقايق
- 7
بعدا بجيب نص كاسة مي ساخن بدوب في 2 مكعب ماجي وبحطن فوقا وبرش فليفلة حمرا بودرة حسب مابدكنياها حادة او مجرد نكهة
- 8
بغطي الطنجره واتركا ع نار هادية ساعة واكتر اذا بدا هك تستوي ع مهلا
- 9
وبس تستوي بحطلا ملح وليمون
- 10
طبعا الملوخية والورقيات بشكل عام مابنملحا لحتى تستوي منشان ماتكز وتقسا وتبطل تستوي
- 11
وبالهنا والشفا🤗
وصفات مشابهة
-
ملوخية بالدجاج😍 ملوخية بالدجاج😍
الملوكية اللذيذة بطريقتي الخاصة السحرية ❤❤ بتاكلو اصابعكم وراها😋😋😋
-
-
-
-
-
-
-
-
-
ملوخية بالدجاج ملوخية بالدجاج
نقلي الملوخية بالزيت ومانحرك حتى نلاحظ انو الملوخية بدات تذبل والمهم نستخدم طنجرة ماتلزق
-
-
ملوخية بالدجاج ملوخية بالدجاج
المعروف ان الملوخية طبق مصري مشهور ولذيذ ومغذي واختلفت طرق عملة من بلد الى بلد
وصفات ننصحك بمشاهدتها
التعليقات