المكونات: السكر البودره كان مخلص فعادي طحنت السكر بالبيت ومشت الأمور 😊

خفقت الزبدة والبيض والفانيلا لين تجانسو بألة الخفق وبعدين أضفت كوب السكر البودرة وخفقت لمدة 5 دقائق..

بعد ذلك طلعت العجين من الخفاقة كامل دون نقصان وقسمت العجين بالتساوي ألى طاستين وأضفت على كل منها ملعقة صغيره باكنج بودره وفي خليط واحد فقط ضفت له ملون طعام أحمر ملعقة كبيرة..

ونخلط كل طاسه على حدا بملعقة طعام عادية

بعدين نظيف على كل طاسه نص كوب نشا ونخلط جيدا بالملعقة

بعد ذلك نقوم باضافه الدقيق المنخول بالتتدريج ومانخليه يلصق باليد.. تكون عجينة لينه وماتلصق..

هذا القوام المطلوب عجينة لينة ومتماسكه مثل عجينة التارت.. ونقوم بتغليفها بالنايلون الشفاف ونخليها ترتاح نص ساعة..

هذي شكلها بعد ماارتاحت شوي.. ويمكن تشتغلو فيها على طول..

بعد ذلك تقوم بعمل كرات صغيرة تقريبا 30 كره لكل عجينة.. ونغطي عليهم عشان ماينشفو..

ونشغل مكينه البسكوت عين الجمل ونحط بكل مكان حبه واحده ونكبس عليها ونخليها تقريبا دقيقتن او ثلاث دقائق ونفتح عنها.. راح نشوفها انها انفردت واحمرت واستوا البسكوت عدنا مثل ماموضح بالصوره

نطلعهم ونحطهم بمكان نظيف

نشيل زوائد البسكوت ونرتبهم بصحن كبير بحيث نحط كل لون جنب بعض عشان يسهل علينا الحشو لاحقا بكل ترتيب وسهولة..

نبدأ بحشو البسكوت بكاكاو النوتيلا أو توفي أو كريمة فستق ومكسرات حسب الرغبة وناخذ لونين مختلفين ونسكرهم على بعض..

تقريبا تجي من 50 حبه ألى 60 حبة.. ونصفهم بصحن تقديم أو صندوق ونغلق عليه 😍

هذا البسكووت جدا لذيذ صحيح شغلته متعبه كثير 😥😥😥 لكن بالنهايه يشرف صاحبه بالتقديم..

أتنمى الطبق البسكوت ينال رضاكم 😊😊

يمي يمي 😇😇 سبحانك ربي نستغفرك ونتوب إليك..

اللهم صل وسلم على سيدنا محمد ❤❤