هنغسل الممبار وبيكون متنظف ومتقطع بطول مناسب ونغسله بالملح والخل والماء وهبدأ أعمل له التسبيكة عبارة عن بصلاية مبشورة احمرها مع السمنه والزيت يصفروا انزل عليهم بعصير الطماطم لحد ما تتسبك خالص واتبلها بالملح والفلفل الاسمر والبهارات وكمون وشطه بسيط

ممكن طبعا تعملي الخلطة كلها ني في ني يعني تحطي كل المكونات علي بعضها نية وتحشي بس انا بفضل أسبك لها وهتحشي الممبار وتبططي كده وتفردي الارز جواه ومتمليهوش ذيادة ليفرقع

وهتكوني اثناء ما بتحشي حاطه حلة علي النار بها ماء ومعلقة ملح تغلي انزلي عليها بالممبار يتسلق بياخد غلوة واحدة علي نار عاليه بعد كده تهدي النار عليه يستوي براحته زي ما بتسوي الارز وده علشان ميفرقعش منك وتطلعيه يتصفي وحمريه في شوية زيت وقدميه بالهنا