فروج ببطاطا بتوم وحامض

بنحط الفخاد بطنجرة وبنغمرن بالمي وبنحطن ع نار عالية وبنشيل الزفرة لما تطلع. وبس تغلي المي بنحط مكونات السلق وبنغطي الطنجرة وبنترك الفخاد ليستوو.

لما يخلصو الفخاد بنشيلن من ميتن وبنفصفصن وبنقسمن ل قطع كبيرة نسبيا وبنصفن فوق البطاطا.

بندق التوم وبنعصر فوقو الليمون وبنضيف ملعقة الفليفلة وبنخلط كل شي مع بعضو. بنسكب الخليط فوق الفروج.

بنحط من مية سلق الفروج ، بعد تصفيتا طبعا ، بحيث انو نغمر المكونات بس. وبنضيف زيت الزيتون عالوش.

بندخل الصينية عالفرن من تحت بس عالرف الوسط ع نار وسط وبنتركا لحد ما تقل ميتا للكمية اللي نحنا بنحبا (طبعا ما لازم يضل كتير حوالي نص كاسة مي مثلا او اكتر شوي)