بعد تنظيف الملوخيه اليابسه وازاله العشب منها...... لازم نسقطها بماء مغلي ونتركها فيه تقريبا نص ساعه بهي الفترة بغلي ماء مرة تانيه وبصفي الملوخيه وبرجع بسقطها بالماء النظيف المغلي وبخليها نص ساعه بتكون نظفت وطريت اكتر..بصفيها وبتركها بالمصفاة تقريبا نص ساعه الى ساعه لتنزل الماء..وبتكون جاهزه للطبخ

وفي حال كانت الملوخيه خضراء بتكون اطيب والذ بقطفها من الاغصان وبغسلها كذا مرة لاتاكد انه الماء صار نظيف وماعاد ينزل منها رمل ابدا ابدا بخليها بالمصفايه تنزل الماء وبتكون جاهزه للطبخ

في قدر نضع ملعقه كبيرة سمنه وشويه زيت وبحب ضيف راس كامل توم مقشر وبخليه صحيح متل ماهو بس يتحمر شوي بسقط الملوخيه وبهدي النار وبضل بقلب فيها كل شوي تقريبا لربع ساعه ممكن(ضيف كوب ماء بارد جدا مابتعود تمط معنا او يضاف مكعبات ثلج او حبه بندوره مبشوره والبعض يضيف رشه ملح ليمون...المهم احد هالطرق بتخليها ماتمط معنا ابدا)

بكون مجهزه الدجاج اما صدر دجاج كيلو كامل مسلوق مع المطيبات او دجاجه منظفه ومقطعه ومسلوقه مع المطيبات

بضيف مرق الدجاج على الملوخيه وبخليها تغلي بدون مانغطي الملوخيه عشان ماتسود وبضيف راس توم مدقوق ناعم وبضيف ملح وفلفل وبتركها على النار الى ان تقرب تستوي

اضيف الدجاج والكزبره المفرومه وبس تنضج تمام تقدم مع الرز وصحن خضرة والف عافيه

ملاحظه: نضج الملوخيه يتبع لنوعيه الورق كل مره شكل...نختبر النضج بتذوق ملعقه صغيره