طريقة تحضير الكيكة دي سهلة وبسيطة جدا ان شاء الله اول حاجة نضرب البيض مع الفانيلا كويس

وبعد كدة نضيف السكر ونقلب شوية

وبعد كدة نضيف الزيت ونقلب كمان شوية😂 وانتي فاضية كدة متنسيش تشغلي الفرن ع درجة حرارة 180 عشان يبقي سخن قبل ما تحطي الكيكة

نضيف العصير ومع التقليب

نضيف الدقيق كوبايتين ونص هيبقو كويسين جدا ليها بس لو لقتيها عايزة دقيق تاني ممكن تضيفي لحد نص كوباية كمان

ندهن الصنية مقاس 28 بالسمنة او الزبدة ونرش دقيق "ورق الزبدة يكفي عن الخطوة دي عادي"

نقسم الخليط لنصفين نصف نزود عليه كاكاو ونص التاني نزود عليه بنفس مقدار الكاكاو دقيق

بإستخدام مغرفة لكل نص هنشيل من النص الاول مغرفة ونحطها في نص الصنية ومغرفة من النص التاني في نص الصنية عليها بردو وهكذا واحدة من هنا وواحدة من هنا

نحطها في الفرن لمدة نصف ساعة ع درجة حرارة 180 ولازما الفرن يبقي ساخن يعني انتي مشغلاه قبل ماتحطي الكيكة بمدة لا تقل عن 10 دقايق

بعد نص ساعة افتحي عليها شوفيها استوت ولا لاء هتجيبي خلة سنان وحطيها في الكيكة لو طلعت مع عجين يبقي لسة سبيها شوية

لو مطلعتش مع عجين يبقي بالهنا والشفا 😍😍