بالبداية بنسلق الحلبة المنقوعة لحد ما تستوي وبنتركها ع جنب لتصير فاترة

بنضيف كل المكونات مع بعض وبنبسهم بزيت الزيتون والذرة كتير منيح

بنضيف عليهم من الحلبة وبنعجن بمية الحلبة بس ما تكون العجينة كتير رخوة لازم يكون قوامها متل قوام العجينة العادية

بندهن صواني الفرن بالزيت وبنرقّ العجينة على حسب السُمك المطلوب

بنترك الصواني ع جنب لمدة نصف ساعة لحتى تتخمر وبعدها بنخبزها بالفرن على درجة حرارة اقل من المتوسطة لحد ما نشوفها تحمرت من الجوانب بنشغل الفرن من فوق مشان الوجه يتحمر

بس تطلع من الفرن بنضيف القطر البارد مباشرة وبنغطيها لحتى تتشرب كويس وبنضل نراقب القطر كل ما نشف بنضيف لانه الحلبة بالذات كتيير بتشرب قطر

سهلة ولزيزة،، بالعافية 😘