برياني

نقلي البصل بكمية زيت متوسطة الى ان يوصل للون البني الفاتح.
بعدين نحطه في العصارة مع الزبادي والثوم والبهارات والملح والكركم والكبزرة (انا نسيت الكبزرة بس اضفتها فيما بعد)

ناخذ باقي الزيت ونحطه مع الدجاج في الضغاط ونبقي نشوحهم مع بعض الى ان يأخذوا لون بسيط بعدين نضيف عليهم ثلاثة ارباع الخليط اللي عصرناه
ملاحظة: انا طبخت الدجاجة مرق قبل ما اطبخها مع البرياني بس ما خليتها تنضج تماماً وهذي الخطوة اختيارية لأني احبها تكون ناضجة جداً

نقلبهم سوا دقيقتين بعدين نضيف شوية ماء ونغطي عليها خمس دقائق
بعدين نضيف عليه الرز وكمان شوية ماء اهم شي يكون اقل من مستوى الرز

اخر خطوة وهي كمان اختيارية لكن تفرق كثير في الطعم
نسوي شوية زيت في وعاء صغير وندخله للضغاط و نولع فحمة ونحطها في الزيت ونغلق الضغاط ونكتمه عشان يتبخر تمام
وكمان حطيت الصوص مع الرز عشان يتبخر

ولعمل الصوص : ناخذ باقي الكمية اللي في العصارة من خلطة البرياني اللي سويناها ونضيف عليها الجبن والقشطة وبهارات الصوص وشوية ماء ونخلط كويس

وبالعافية