في وعاء هنحط الماء وعليه الخميره والسكر ونقلبهم كويس ولو مش متأكدين من الخميره اقفي عند الخطوه دي سبيهم ١٠ دقائق لو عملت فقاقيق كتير تبقى حلوه

وبعدين هنحط البيضه وبياض البيضه التانيه وباقي المكونات ونقلبهم كويس

هنحط الدقيق والملح ونبدتي نقلب لحد مكل الدقيق يتشرب السوائل كلها

ونعجن فيها لمده عشر دقائق لما نلاقيها مش بتلزق خلاص في الايد

هنبقا حاطين كوب دقيق جمبنا عشان هتحتاجيه وهتزودي شويه بشويه لحد متلم معاكي لان السوايل هنا اكتر من نص كيلو الدقيق وكل دقيق بيختلف عن التاني

اول منلاقيها لمت وبقت ناعمه ندهن وعاء زيت ونحطها فيه ونغطيها ونحطها في مكان دافي تختمر ومنسبهاش تختمر كتير

اول ميتضاعف عجمها هنشكلها هنقسمها على اتنين ونعين واحدة ونغطيها والتانيه تفرديها بالنشابه بشكل متساوي مدور وميبقاش سمكها تخين تبقى اسمك من الرفيع بشويه

نقطعها بسكين او اي حاجه على شكل مثلثات كأننا بنقطع بيتزا ونعمل الحجم ال احنا عايزين
انا قطعت كل مثلث ل ٤ ملثات صغيرين

وناخد كل قطعة نتني الحرف ونلفها رول ونرصها في صينية مدهونة زيت ونخلي الطرف التاني لتحت عشان متفكش وهكذا في باقي الكميةوكذالك باقي العجينة

وهنسيبها ترتاح بعد التشكيل ١٠ دقائق او ربع ساعة ونجيب الصفاره ونحط عليها ٣ ملاعق لبن وكيس فانيليا ورشه ناسكافيه ودي اختياري ونقلبهم وندهن الوجه

هنحطها في فرن سخن على درجه حراره ١٨٠ او نار عاليه يعني في الرف الوسط واول موشها ياخذ لون نطلعها من الفرن ومنشغلش الشوايه هيا هتاخد لون لوحدها ممكن تشغلي المروحه لو موجود

نطلعها ونغطيها بفوطه عشر دقائق تبرد 😍

لو موجود شفاطه حديد او اي حاجه تفتحي بيها الكرواسون من تخت وتجيبي كيس حلواني او سرنجه طعام وتحشيها اي حاجه تحبيها وبس كده بألف هنا😍😍🤎