بوراك بالبطاطا والدجاج

نبدأ على بركة الله، في كاسرونة نحط الماء يغلي ونضيف عليه البطاطا اللي قشرتها وغسلتها وقطعتها مع شوية ملح وخليتهــا حتـى طابت مليح، من بعد قطرتها جيدا ومعستها (رحيتها) بالآداة الخاصة بالبطاطا ثم ضفت عليها 02 ورقات من البصلة خضراء مقطعة رقيق وفص ثوم مرابي مع ملعقة كبيرة مزيج بين القصبر والمعدنوس مطحونين.

ضفت عليها كمية من كفتة الدجاج اللي حضرتها مسبقا كنت 👈🏻حطيت الطريقة من قبل يمكن تفقد الوصفة من خلال هذا الرابط 👇🏻
ملاحظة: ✔ممكن نقليو قطع الدجاج مع التوابل الخاصة به وإضافة الجبن الطري والقليل من الزبدة.

بعدما طلبت بطاطا نطحنها ونزيدها مع دجاج ونزيد كمشة معدنوس، نجيب ديول نبد ابورقة من بعد ندير حشو ونبدا نورلي
استعملت ديول العائلة يجيو روطب في الإستعمال، قسمت دائرة الديول على إثنين حطيت الحشو في الوسط على حافة الورقة طويت الجوانب للداخل وروليت كما هو موضح في الصورة. كي نكمل الكمية نغطيهم من الأحسن.
ملاحظة مهمة: ✔اوراق الديول لازم يكونو محفوظين في الكيس الخاص بيهم نجبد على حسب الحاجة باش ما ينشفوش.

نجيب مقلاة ندير فيها شوية زيت نخليها تسخن من بعد وضعت البوراك ونقصت شوية على النار وخليتو يتحمر من كل الجوانب واللي تتقلى نحيها ونحطها فوق ورق ماص.

وقدمتو بألف صحة وهنا 😋👌🏻😋