دجاج محشي بالرز المبهر بالقوانص

ببدأ بتجهيز تتبيلة الدجاج وهيه بصلة مفرومة تماما كأنها مهروسه بالخلاط الكهربائي مع طماطم كمان مخلوطه بالخلاط او مبشورة ومع الزيت والزبادي والبهارات وبزيد ورقه غار وبخلطهم مزبوط

بشيل الدجاجه من الماء وبنضفها من الداخل بالملح وبتاكد من تجفيفها من الماء بمنديل مطبخ وبعدها بحطها فالتتبيله وبفركها فيها وبتركها فيها لساعه او اكتر ممكن لتاني يوم وتتجهز من قبل

بجهز الرز المبهر بالقوانص وهون بقطع القوانص لقطع صغيرة والقلب بعد ما نضفو بقطعو قطع صغيرة كمان وممكن الكبدة كمان ضيفها وببدأ على النار بعد ما حط شوي سمن حيواني وشوي زيت بشوح القوانص فيها حتى يتقلا مزبوط وبضيف القلب والكبدة وبتتقلا معن بضيف ما ص قرفة ناعمة وفلفل اسود وهيل وورقه غار وبضيف ربع كوب ماء حتى بس تستوي القوانص وماتشد معي وبتركها شوي بس عم تغلي على النار بعدها بشيل القوانص والكبد والقلب و. بنزل بصل مكانهم وبقليه وبعدها بزيد عليه الرز الطويل وبقلبو معن لدقيقه بس او تنين

بزيد ماء على الرز لكل كوب رز طويل كوبين ماء وبزيد الملح والقرفة بزود شوي وممكن سبع بهارات شوي بس حتى يطلع الرز مبهر طعمو وبتركو لمدة ١٥ دقيقة على نار هادئة جداو مغطى انا لان بدي الرز يكون ما استوى تماما حتى يكمل سواه جوا الدجاج … اما الرز الي ما حيكون جوا الفراخ وحيتقدم جنب الدجاج بكمل سواه كمان ٥ دقيقة ليوصل للسوا الكامل

و بعدها بطلعو من الفرن بفتح الغطا عنو وبرجع بدهن وشو بالتتبيله وبشغل الفرن عليه من فوق لينشوى وياخذ اللون تقريبا ١٠ دقيقة مو اكتر