كبسه الدجاج
الخطوات
- 1
اولا الفراخ نتبلها بملح وفلفل ومعلقه صغيره بابريكا وتوم وبصل بودر وتوابل الشواء نص هعلقع صغيره كمون وكسبره ناشفه ونسيبها تتبل مش اقل من ساعتين ويستحسن طول الليل وبعد كدة نحطها ف كيس حراري وعلي الفرن درجه حراره ٢٠٠ تاخد ٤٠ دقيقه
- 2
الارز هنجيب كوبايه الرز ونغسلها وننقعها ف كوبايتين مايه مغليه وعليهم معلقه خل ننقعهم ربع ساعه وبعد كدة نصفيهم ونشيلهم علي جنب
- 3
هنجيب حله ونحط فيها الزبده والزيت ونشوح التوابل الحب اللي ذكرناها قبل كدة ونحط عليهم البصلايه متقطعه جوليان وطماطمايه منقطعه اربع حتت كدة نشوح لحد مايدبلوا ونحط معيار الميه بتاع الارز يعني موب بسمتي ياخد كوبايتين ميه ولكن منقوع هنحط كوب ونص فقط مياه
- 4
نسيب الحاجات دي تاخد غلوتين كدة ونملحهم بقي بملح وفلفل ورشه قرفه ومكعب مرق وممكن بدل المرق تحطي الميه اللي نزلت من الفراخ ف الكيس الحراري بس انا مبحبش الدسم وهي طبعا الوراك منزله زيت كتير اوي المهم خدوا غلوتين ودبلوا
- 5
ممكن تصفي الميه قبل مااحطي الرز وممكن تحطي علطول الرز زي ماتحبي انا مصفتهاش بس هرست كدة الطماطم والبصل بحيث ميبانوش اوي ونتنزلي بالرز عليهم وتحطي معلقتين صغيرين بهارات كبسه وخدي بالك لو مملحه بس وغلي الرز توطي عليه بقي زي مابتعملي اي رز
- 6
خلاص استوي هنجيبي معقتين ماء الزهر وتدوبي فيه الزعفران او لون الطعام وترشي بشكل عشوائي علي اللرز وتجيبي الفراخ بعد ماستوت تحطيها علي وش الرز ف الحله وتجيبي فحمه ف ورق فويل وتحطي عليها الزيت وتغطي الحله لحين الاكل وتطفي وبالهنا طعمها حلو جدا جدا وخفيفه ومدخنه ومش دسمه
وصفات مشابهة
وصفات ننصحك بمشاهدتها
التعليقات