بسبوسة الحلواني باللبن + نصايح تضمن نجاحها
البسبوسة من حلوياتي المفضلة..جربت وصفات كتير دي أكتر وصفة ظبطت معايا..وصفة شيف آية حبيب..الوصفة دي جربتها قبل كده 3 مرات ..وكل مرة تبقى أحلى من اللي قبلها..معنديش صورة أنا عاملاها للأسف ..ولكن الوصفة مضمونة جدا..ممكن نقدمها مع قشطة وممكن كريم شانتيه او حتى ايسكريم فانيلا ..لو حابين نقدمها مع حاجة يعني
بسبوسة الحلواني باللبن + نصايح تضمن نجاحها
البسبوسة من حلوياتي المفضلة..جربت وصفات كتير دي أكتر وصفة ظبطت معايا..وصفة شيف آية حبيب..الوصفة دي جربتها قبل كده 3 مرات ..وكل مرة تبقى أحلى من اللي قبلها..معنديش صورة أنا عاملاها للأسف ..ولكن الوصفة مضمونة جدا..ممكن نقدمها مع قشطة وممكن كريم شانتيه او حتى ايسكريم فانيلا ..لو حابين نقدمها مع حاجة يعني
الخطوات
- 1
نولع الفرن علي 200
- 2
بسّي السميد مع السمنة كويس دقيقتين او ثلاثة..و بالمرة ادهني صنية مقاس 26 سمنة..
- 3
في حاجة غير اللي فيها السميد..دوبي السكر و الشربات في اللبن الدافي..(لو معندكيش شربات تقيل جاهز اعمليه لوحده الأول..2معلقة كبيرة سكر علي 2 معلقة كبيرة ميه..لو حبه تحطيه يعني)(جربت مرة اني أعمل شربات تقيل مرة واحدة.. اخد المعلقين و بعدين اخففه خرز معايا مع اني كنت عاصرة ليمون..لو حد يعرف ايه..يقولي في الكومنتس 😊)
- 4
حطي اللبن و السكر على السميد..متقلبيش كتير امزجيهم بس دقيقة مثلا كفاية..(متزوديش تقليب عشان تبقى مرملة)
- 5
قوام البسبوسة مش سائل..هو تقيل..حطيه بقى في الصنية..وادهني وش البسبوسة سمنة عشان لونها يبقي موحد..
- 6
سيبها ترتاح 10 دقائق..على الرخامة..وبعدين دخليها الفرن حوالي نص ساعة
- 7
اعملي الشربات بقى..السكر على الميه على عصرة الليمون..هتقعد حوالي 15 دقيقة على نار هادية
- 8
بنحط الشربات السخن عليها وهي سخنة أول ما تطلع من الفرن..و نرجعها تاني الفرن عشان تطرى.. (الفرن مقفول ومطفي)
لو بتحبوها مقرمشة خلوها على الرخامة لحد ما تهدى.. - 9
شيف آية قالت نسيبها ليلة كاملة عشان تمسك نفسها..بس ده مستحيل 😅
بسيبها حوالي ساعتين و ناكل منها عادي..بتبقى حلوة برضو.. - 10
بس كده..اتمنى أنك تجربيها الوصفة و تعجبك..و بالهنا ❤️
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات