نسبق نحمّص جوز الهند في المقلاة على نار مهيلة حتى تدي لون ذهبي ونحضر كل المكونات ونبدأ باسم الله، في إناء نحط البيض.
ملاحظة مهمة: ✔إستعملت بيضتين وبياض في العجينة والصفار خليتو للدهن.
✔الكاس اللي عبرت بيه سعته 150 ملل.

وقرصة الملح ومركز الفاني مع السكر ونضرب مليح بالفوي (المضرب اليدوي) حتى يذوب السكر نوعا ما، ثم نضيف الزيت بالتدريج مع الخلط المستمر.

ثم نضيف ملعقة العسل مع الخلط دائما نضرّب الكل جيدا ثم نضيف جوز الهند المحمص ندخلو مع المكونات حتى تتجانس كل المكونات.

ثم نضيف الفرينة مع الخمارة نغربلهم بطبيعة الحال.

والفرينة نضيفها بالتدريج حتى نتحصل على عجينة متماسكة وفي نفس الوقت طرية نغطيها بكيس بلاستيكي ونحطها في الثلاجة الوقت اللي نقي فيه سطح العمل حوالي 10 دقيقة، نوزن الكريات 25 غ للوحدة.

نكوّرهم ونبلاطيهم شوية بيدي كما هو موضح في الفيديو ونحطهم في صينية مفرشة بورق الزبدة.

في غرفية نحط صفار حبة بيض مع الحليب بودرة والكاكاو البني المر وقطرات من القهوة او الماء نخلط مليح.

وندهن حبات القاليت جيدا من كل الجوانب وبمساعدة الشوكة (الفرشيطة) ندير خطوط متقاطعة كما هو موضح في الفيديو.

في وسط كل حبة درت شوية لوز إيفيلي، ندخل الصينية للفرن المسخن مسبقا على درجة حرارة متوسطة حوالي 20 دقيقة كي طيب من تحت نطفي ونشعل من فوق تدي لون موحد. كي يطيبو نحطهم فوق مشبك باش يبردو.

وقدّمتهم بألـف صحة وهنا 👌🏻🥥👌🏻

يجي بزااااف بنين وهشيش ومقرمش 😋🥥😋.