الخطوات
- 1
نحط في جاط كبير للعجين كوب الحليب الدافي وعليه السكر والخميرة ونتركهم ليتفاعلوا مع بعض 10 دقايق.
نضيف الزيت ، اللبن ، رشة الملح ، الكريمة الباودر ونحركهم منيح.
نضيف كوبين الطحين ونعجن ممكن نحتاج اكتر ولو صارت العجينة جامدة معكم ضيفوا شويه ميه دافيه لتصير العجينة طرية ومابتلزق بالايد، اخر شي بنحط شوية زيت على ايدنا وندهن العجينه من برا ونتركها تتخمر بمكان دافي ساعة ونص. - 2
نجيب العجينة ونفردها شوي بإيدنا ونقطعهم مربعات ونشكلهم كور صغيرة قد بعض ونحطهم على جنب.
في صحن بنحط مكونات التغليف بتقدرو تستخدموا (اما كاكاو وسكر بني او ابيض وبتقدروا تستخدموا قرفة وسكر بني او ابيض) حسب الرغبة وبنغلف حبات العجين فيها وبصفهم بصنيه مدهونه زيت.
- 3
بغطي عليهم وبتركهم ربع ساعة على جنب، بعدها بدخلهم الفرن على حرارة وسط وبياخدوا 10 دقايق من تحت وبرفعهم لفوق يادوب 5 دقايق وبطلعهم ع جنب.
بخلط حليب مكثف مع علبة قشطة (ولو بتحبوا ضيفوا جبنة مثلثات) وبشرب الصينيه عندي فيهم.
وبحط صوص كراميل وبقدر ازينهم بمكسرات جوز او بندق او لوز او فستق او تشوكلت او اي شي بنحبه.
وبالعافية ❤️
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات