رشتة عاصمية 🍜🇩🇿

في قدر الضغط نحط السمنة وزيت ونقلي الدجاج جيدا وبعدها نضيف البصل واللفت كنت رحيتهم ونقليهم ونحط ملح وقرفة عود ورشة قرفة بودر ورشة زعفران او كركم للون فقط لأنها أساس الطبخة ورشة فلفل اسود ونقليهم مليح ونضيف اللفت ولكورجات والحمص ونمرق بماء سخون

هنا تكون طابت لمرقة وتجي معسلة وبيطة وبنينة على قانيها

نجو لرشتة نفتحها ونديرلها شوية زيت ونحطها تفور بعدما تفور نرشها بلماء والملح ونخليها تشرب مليح

كاين لي يحب يسقيها بلمرقة تاني ماشي مشكل مهم متكتروش الملح برك ومبعد نعاود نفورها المرة تانية ونديرلها مغرف سمن او زبدة ونقدمها