خدت الفراخ و قطعتها و حطيتها ف الكبه و عليه البصله المفرومه و عليهم نص معلقه صغيره ملح و فلفل اسود و بابريكا و توم بودر و اضربيهم مع بعض

بعدين طلعي الخليط و حطيه ف بوله ووعليهم كيس البانيه ميكس بتاع ماجي و عليهم ربع كوبايه لبن و اعجني كويس جدا

هنجيب صنيه وونفرد عليها استرتش او كيس تلاجه و نجيب طبق فيه ميه نبل ايدينا و نشكل الناجتس زي ما تحبي شكلها بس متبقاش سميكه اوي و بعدين نحطها ف الفريزر لحد ما تجمد

نجيب بقى كيس خلطه تشانكي للفراخ بتاعت باب الشام و ناخد نص الكيس نحطه على بيضتين و معلقتين ميه و نضربهم كويس ف طبق و نجيب بقيت الكيس نخلطه ببقسماط هنجيب بقى الناجتس اللي جمدت نحطها على الخليط الناشف و بعدين ننزلها ف البيض و بعدين نرجعها ف الخليط الناشف تاني اللي فيه البقسماط و نرص ف الصنيه و اول ما نخلص ندخلها الفريزر عقبال ما نسخن الزيت او ممكن نخزنها

اهم حاجه سخني الزيت اول ما يسخن نزليها فيه دقيقه و هدي النار و اول ما تاخد لون من الناحيه التانيه اقلبها و سيبيها بردو النار متهديه لحد ما تاخد لون حلو من الناحتين و تكون استوت و الف هنا و شفا