بنحط السكر مع الزبده ونخلطهم مع بعض بمضرب البيض (المضرب الكهربائى) لحد ما يمتزجوا وبعدين بنضيف عليهم البيض والفانيليا ونخلطهم كويس أوى بالمضرب

قبل ما نبدأ التشكيل بنولع الفرن الأول على ١٨٠ علشان البسكوت بيدخل فرن سخن، وبعدين بقا بنفرد العجينه كده فى صينيه ونقطعها مستطيلات وبنحطها فى الصينيه اللى هندخلها الفرن ونسيب ما بينها مسافات مناسبه وندخلها الفرن ربع ساعه تقريبا وبتكون استوت.
(أنا عملت منها شكل صوابع التويكس العاديه وعملت بردو منها شكل دوائر بشكاله كانت عندى كنوع من التغيير🙈😂)

ولحد ما الكراميل يجمد بنسيح الشوكولاته اللى هنغلف بيها فى المايكرويف أو على حمام مائى، ولو مش عندكم شوكولاته جاهزه هحط لكم طريقه عمل الشوكولاته دى فى البيت فى أول كومنت😉

والخطوه الأخيره بقا بنغلف البسكوت بالشوكولاته وبتبقا التويكس بتاعتنا جاهزه😋🍫.
وبألف هنا وشفا على قلوبكم😍🌸.. ما تنسوش بقا تبقوا تشاركونى تطبيقاتكم وإبداعاتكم لأن ده بيفرحنى جدا وبيشجعنى 🤭✨.. واكتبوا لى فى التعليقات رأيكم وقولوا لى عاوزيننى أنزل لكم وصفات ايه تانى🤗💓.