ناخذ كاسرونة نحط فيها 3 ملاعق كبار مارغرين على نار هادئة باه تذوب من جهة اخرى نأخذ وعاء نحط قطايف ما نقطع والو نخليهم هكداك طوال

نزيد عليهم ملعقة سكر ناعم وملعقة فانيلا ونخلطهم مليح ثم نزيد عليهم ملعقة مارغرين ذايبة ونخلطها مليح

في هذه أثناء نأخذ كاوكاو نزيد عليه فانيلا سكر ماء الزهر وملعقة مارغرين

نأخذ كوب نفرغ فيه قطايف شوية نزيد الحشو عليه كيما في صورة ونغلق من فوق بقطايف ونقلبها ونحطها في سينية لي تدخل الفرن بعدما كنت دهنتها بمغارين

نكمل كل حبات و ندخلهم الفرن يطيبو كي تتحمر من تحت نطفي ونشعل من فوق وكي نخرجهم نسقسهم بشربات من فوق حتى تتشرب قاع سيرو نزينها من فستق او شكولاطة طلي او حبات جوز

وبالصحة والراحة اصدقائي 😋 وصح فطوركم 😘😘