كبدة الغنم مشوية (الملفوف)

نبدأ على بركة الله أولا نشعل الفاخر (الفحم) كنت حطيت من قبل نصيحة بالتفصيل يمكن👈🏻 تفقد الطريقة من خلال هذا الرابط👇🏻

ثم نأخد كبدة خروف نحطها كيما هي في الشواية ونحطها فوق المجمر ونشوحها من الجهتين ونملحها كي تشد روحها شوية نعاود نقطعها شرائح بسمك 1 و نص ستم، كذلك الرية نحطها تتشوى فوق المجمر، تشد روحها باش نقدر نقطعها من بعد، أمّا القلب نغسلو مليح ونحلو في النص ونحطو يتنسلق في الماء مملح وورقة ونقطعو قطع متوسطة ما نخليهش يطيب بزاف.
ملاحظة: ✔أنا تعجبني الرية مشوية نص نشويه والنصف الآخر نديرو في البكبوكة (نعمر بيها العصبان).

كي نشوحهم ننزعهم ونقطعهم مكعبات متوسطة الحجم ونقطع الردا اللي هي الشحمة الرقيقة (تكون ناشفة في الهواء الطلق باش تشد روحها) نلفها (نروليها) نقطعها شرائح طويلة، نرفد طرف كبدة ونلفو بالشحمة دورة ونص ونقطع ونستفهم في أعواد الشواء كذلك الرية أمّا القلب ما نروليهش بالشحمة نخليه كيما هو نقطعو مكعبات متوسطة ونستفو في أعواد الشواء وبين كل قطعة وقطعة نحط قطعة شحمة.

نحط الأسياخ فوق المجمر ونشويهم مرة على مرة نقلبهم.

وقدّمتهم مع البطاطا مقلية بألف صحة وهنا، وشهية طيبة للجميع😋👌🏻😋