طريقة تحضير مرقة حمرة في قدر نديرو دجاج فوقو بصلا وتوم مرحيين توابل ولملح طماطم مصبرا حار وشويا زيت ونديرو فوق الغاز بعد شويا نديرو حبتين الباطاطا لي كنا كل حبة قطعناها علا ربعة نخلوهم شويا معا تحراك بعد نمرقو بما سخون لما ديري علا حساب قدر تاعك مهيم متكتريش باه تعقد وتجي بنينة 😋

ودوك نجو لرشة نصية مني باه متعياوش في حل متشروش رشة لي مخدومة في دار راهي تعيي في حل نتاعها لي ستخدمتها انا يسموخا رشة الامير هايلة وساهلا في حل تاعها

جيبو رشة تاعكم حطوها في جفنة وابقاو تحلو فيها بحال صوف 😅بعد كي تتحل معاكم شويا شمخوها وحلوها كل خيط وحده بعد كي تتحل معاكم ديرولها شويا زيت باه متتعجنش معاكم وديرو زيت مام في كسكاس كيما في تصاور قبل وبعد ما حليتها بعد ديروها تفور انا قعدتلي نص ساعة ونتوما علا حساب نوعية تاع فرن وغاز

بعد ديروها تفور فورة تالتة نفس الشي داتلي وقت نص ساعة. كي تفور حطوها وهي سخونة درولها زبدة في شويا منها ولخرا حلوها بعد كي تذوب زبدة خلطوها قاع بعا بعض وفتحوها كل خيط وحده باه تتيدم مليح