في اناء كبير نضع البيض والسكر والفانيليا ونضربهم كويس بالمضرب لحد ما يتجانسو بعدين نضيف الزبدة ونضربهم خفيف بالمضرب ونضيف معلقه الملح الصغيرة ونيجي بقي للدقيق (نخلط الدقيق الذرة والابيض سوا ومعاهم البيكنج بودر) نضيف بقي الدقيق بالبيكنج بودر شويه بشويه علي خليط البيض والسكر والفانيليا وكل ما نضيف نقلب بالمضرب فاتجاه واحد ودي اهم خطوة عشان الكيكه ترفع انك تقلبي فاتجاه واحد.

نكون فالوقت ده مسخنين الفرن علي ٢٠٠ درجه ونحط الكيكة فالرف الاوسط وبعد ربع ساعه بالظبط نقلل حرارة الفرن ل ١٧٥ ونسيبها بقي تستوي ع راحتها

طول مدة تسويتها منفتحش عليها ابدا بعد ما يمر حوالي نص ساعه بعد الربع ساعه الاولي افتحي وخلي معاكي خله او سكينه رفيعه وحطيها فنص الكيكه اذا طلعت نضيفه يبقي هي استوت من فوق اذا طلع فيها عجين سيبيها شويه

بعد ما تستوي لو وشها محتاج ياخد لو دهبي اكتر عادي شغلي الشوايه بس خليكي جنبها لحد ما تاخد اللون الدهبي الحلو ومتطلعيهاش من الفرن ع طول واربي باب الفرن شويه وسيبيها بس طبعا تكوني طفيتي الفرن التكة اللي فاتت دي عشان متهبطش