مكرونة بالبشاميل
الخطوات
- 1
إسلقي المكرونة ف قدر من الماية ونقطة زيت وشوية ملح
- 2
عصجي اللحمة !!! معلقتين سمنة وخرطي عليها البصلة وقلبيها لحد ماتدبل او لونها يكون دهبي وبعدين ضيفي اللحمة وقلبيها لحد مالونها يتغير وبعدين ضيفي الملح والفلفل وجوزة الطيب ووطي البوتجاز وسبيها تستوي مع التقليب وبعدين سبيه يبرد
- 3
البشاميل !!! معلقتين سمنة علي معلقتين الدقيق وقلبي لحد مالونه يكون دهبي وبعدين ضيفي اللبن وملح وفلفل وقلبي كويس لحد مايتقل وسبيه يبرد
- 4
هاتي كبشة بشاميل وكبشه لحمة مفرومة وحطيهم ع المكرونه المسلوقه وقلبيهم كويس
- 5
هاتي الصينيه وافردي فيها نص المكرونة وبعدين طبقة اللحمة المفرومة وبعدين طبقه تانيه النص الباقي من المكرونه وبعدين الطبقه الأخيرة البشاميل
- 6
اضغطي عليها كويس علشان تتماسك ودخليها الفرن علي درجة حرارة 180 وسبيها تقريبآ نص ساعه وبعدين شغلي الشواية فوق علشان يتحمر وشها وبالهنا والشفا
وصفات مشابهة
وصفات ننصحك بمشاهدتها
التعليقات