جلاش باللحمه المفرومه
الخطوات
- 1
هنعصج اللحمه بالطريقة المعتادة وبعد كده لما تبرد شويه نضيف عليها مكعبات الطماطم الصغيرة والفلفل المقطع صغير والبقدونس المتقطع صغير ونقلبهم مع بعض ونجيب الصينية مقاس ٢٦ ندهنها بسيط ذبده أو سمنه ونحط ورقة من الجلاش وندهن بسيط سمنه او زبده وهكذا لحد ما نرص نصف لفة الجلاش باللظبط ندهن بين كل ورقة والتانيه واضغط عليهم بإيدي علشان يتماسكو مع بعض
- 2
بعد كده هضيف الحشوة في النصف وأوزعها كويس وارص ورق الجلاش وادهن بسيط ذبده أو سمنه واكرر نفس النمط لحد ما اخلص باقي لفة الجلاش هضغط بإيدي كويس علشان الراقات تمسك ببعضها بعد كده مقطع الصينيه بسكينه حاميه مهم جدا تقطيع الجلاش قبل دخوله الفرن
- 3
بعد كده هجيب كباية اللبن اضيف عليها رشة ملح وفلفل اسمر وبيضه واحده واقلب كويس جدا مع بعض وأسقي الصينية بتاعتي اسيبها دقيقه وادخلها فرن سخن تاخد لون من تحت كويس واولع عليها تاخد لون من فوق او ممكن تولعي تحت وفوق نار متوسطه واطلعها أمشي بالسكينه مكان ما قطعت قبل كده لأنه بيتداخل مع بعضه وهو في الفرن وبالهنا والشفا ولو بتحبيه طري يبقي تغطي الصينية أول ما تخرج من الفرن هيتري ويبقي جميل
وصفات مشابهة
وصفات ننصحك بمشاهدتها
التعليقات