الايس كريم

نضرب البيض مع الملح و مع بداية تكون الرغاوى نضيف الفانيليا ثم السكر تديجيا و نستمر في الخفق حتى تتكون كريمة الخفق

ندوق الكريمة لكن ناخد بالنا ان لسة في حليب مكثف محلى هايتضاف و فيه سكر فبلاش نخليه مسكر اوى

نضيف الحليب المكثف المحلى و نمزج جيدا بالمضرب و ندوق درجة التحلية لتحديد اذا كنا هانضيف سكر و نضرب تانى وللا كفاية

كدة بقا معانا اساس الايس كريم.. نقسمه بقا و نبدأ نشكل

نكتر فانيليا.. بقا بالفانيليا

نضيف فاكهة بيوريه بسكر خفيف و يزيد اذا استدعى الطعم بس لو زودنا سكر نقلب و نضرب.. بقا ايس كريم بالفاكهه

نضيف كاكاو.. بقا شوكلاتة

نضيف شوية نسكافيه خام متدوبين في ربع كوب لبن او ماء.. بقا بالموكا

قطع اوريو صغيرة متكسرة تمزجيها بيه مع شوية لبن و تزينى الوش بقطع اوريو.. حلو

انتى و ذوقك

ملحوظة اخيرة.. كل ماتحطى سوائل فى الوصفه الايس كريم هايبدأ يبقى مش كريمى.. عشان السائل هايتجمد..يعنى لو ماضيفتيش اى سوائل خالص هايبقى شبه الكريمة المجمدة.. لكن لو حطيتى سوائل خفيفة هايبدأ يبقى ايس كريم اكتر من كريمة..

عشان كدة مع الاضافات قايلالك تحطى سائل فانتى و رغبتك فى القوام و الطعم عشان كدة خدى بالك.. و فى حالة الفاكهه.. المية اللى تخليها تلف فى الخلاط بس كفاية لان الفاكهة فيها سوائل..

واحنا مش عايزين عصير.. عايزين بيوريه وفى حالة الموز نضيف نصف لمونة للبيوريه لتقليل السواد

اخر حاجة عايزة اقولها انه ممكن بدل عمل الكريمة فى البيت نستخدم كريمة خفق سائلة مع الحليب المكثف و بردو بقا عندنا اساس الايس كريم 🤗