كباب ب الخبزة المطبقه و سلطة مشويه 😍
الخطوات
- 1
السلطه المشويه:تغسلي خضرتك و تشويها ع الفحم و لما اطيب اتنحي القشره السوده و تضربيها ف ست البيت و تعدلي ملحها و الكرويه و اتحطيها ف الصحن و اتحطي عليها زيت زيتون و زينيها بزيتون.
- 2
الكباب:تجيب اللحم المفروم اتحطيه ف صحن و تفرمي البصل مع الثوم فرم ناعم و اضيفيه ل اللحم المفروم و المعدنوس تفرميه ناعم حتى هو و اضيفي بهاراتك
- 3
تخلطي المكونات مع بعضهم كويس و تبدي تشكلي ف اصابع الكباب
- 4
اتجيبي طاوه فيها شوي زيت اتحطي صوابع الكباب و اطيبيه ع نار متوسطه و لما تعرفيه خش فيه الطياب شوحيه ع نار اعلى و ما تحمريشي واجد بحيث انك اتخليه ميزال رطب
- 5
اخر خطوه اتكوني مولعه فحمه و اتحطيها ف طاوة الكباب و صبي عليها شوي زيت بيش ادخن و غميه و خليه يدخن
- 6
جيبي خبزتك ادهنيها ب طحينه و الا سلاطة باذنجان و حطي عليها معدنوس مفروم و الكبابه و لفي
- 7
الخبزة المطبقه :
- 8
تحطي الدقيق عليه الملح و الخميره و اضيفي ميه ما تعجن و اتكون عجينه رطبه شوي ، اتقرصيها ف سفره فيها زيت و تبدي اتجيبي كل قرصه و اتحلي فيها ف الزيت ع شكل دائره و اتردي اطلبقيها لين يبدا شكلها شبه المربع
- 9
اتخليها ترتاح شوي و اتكوني موتيه طاوه تيفال من دون حواف ع النار (الغاز)، اتجيبي العجينه الي طبقتيها و اتحليها من جديد لين تبدا رقيقه طبعاً بتحليها ب الزيت و ايبيها ع الطاوه و تقلبيها ع الوجه التاني و لما تتحمر من الجيهتين اتنحيها من االطاوة و هكذا لين اتمي مقدار العجينه ا
- 10
اتجيبي ست البيت اتحطي الباذنجان و الفلفل بعد ما تقشريهم و اضيفيلهم 2 سن ثوم صغير و ملعقتين كبار جبنة سائلة و رشة فلفل اسود و اضربيهم ف ست البيت و صحة💋
- 11
ملاحظة : سلطة الباذنجان اتجيببي 2 باذنجان و تشويهم ع النار و معاهم 2 فلفل اخضر و تشويهم ع النار
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
الكباب التركي 😍 الكباب التركي 😍
طبعاً اني من اصولي تركية ،فا اي اكله انزلها ليها علاقة ب المطبخ التركي حتكون مضمونة 👌
-
-
-
حساء البروكلي 🥦 اللذيييذ و البسيط حساء البروكلي 🥦 اللذيييذ و البسيط
يمكن تقديمه كطبق جانبي مع الوجبات الرئيسيه او اكله مع القليل من الخبز او لوحده حسب الرغبه
-
وصفات ننصحك بمشاهدتها
التعليقات