جوانح البروستد الشهيه علي طريقه مامتي 🍗

هنغسل الجوانح جيدا قبل تحضيرها

نجيب الثوم المهروس ونحط عليه الكمون ونخلطهم كلهم مع الجوانح وندعكهم في بعض وبعد كده نحط كوب الخل لحد ما يغطي الخليط ده ونحط الملح ونخلطهم كويس ونضعه في الثلاجه "البراد" لمده ساعه حتي يتبل جيدا

نحضر بقي خلطه التغطيه هنجيب ال ٤ ملاعق دقيق نكسر عليهم البيضه والملح والشطه حسب الرغبه وملعقه خل ونزود ماء علي حسب حاجه الخليط ونقلب كويس لحد ما يبقي قوامه مش تخين اوي ولا خفيف 👍🏻

بعد ما الفراخ تتبل كويس هنصفيها فقط من الخلطه مش هنشطفها ونضعها فالخليط السابق

بعد ذلك هطلعها من الخليط واغطيها كويس بالدقيق وعليه الثوم البودره والبصل البودره والملح والشطه برضه حسب الرغبه

للتحمير نجيب حاجه غويطه وليكن حله لكن طاسه لا ونحط فيها زيت بحيث يبقي مغطي الجوانح ونتركه لحد ما يسخن جداااا ثم يضع فيها الجوانح وتهدي النار وتغطي ولماًيتحمر جنب نقلبه مره واحده على الجنب الاخر

و ده شكلها النهائي حلوه 🍗