الحمام الكداب
طبعا للى مايعرفش ليه اسمه كدة فهو علشان محشى خلطة الحمام و شكله زى الحمام لكنه اوراك فراخ فى الحقيفة
إفتح في تطبيق كوكبادالخطوات
- 1
اول حاجة نشوح البصلة المبشورة او متقطعه صغير فى الزيت مع رشة ملح و رشة فلفل
- 2
و بعد ماتصفر نضيف الرز و نقلب لحد الرز ما ينشف من المية تماما
- 3
نضيف المية المغلية للارز بمقدار ٢ كوب لكل كوب ارز و نضيف مكعب الماجى
- 4
يغلى الرز و اول ما يشرب ميته نوطى النار و نغطى و نسيبه ١٠ دقايق فقط و نطفى
- 5
نرفع غطا حلة الارز و نبرده تماما و يفضل لو فضيناه في صينيه علشان يبرد اسرع قبل مايكمل سوا زيادة
- 6
نبدأ فى الاوراك اول الرز مايبرد
- 7
نفرد الورك و نضع مقدار من الارز كافى اننا نعرف نبرم الورك بحيث اطرافه تتلاقى يعنى يادوب طرفين الورك يلامسوا بعض
- 8
و نلف الورك فى ورق فويل علشان البرمة ماتفكش و نقفل الفويل كويس من فوق و من تحت شبه تغليفة البونبون
- 9
نجهز مية لسلق الاوراك و نحط فيها البصلة و البهارات و الملح او الماجى
- 10
اول ماتغلى نحط ورك ورك مش كلهم مرة واحدة علشان نحافظ على حرارة المية
- 11
يعنى ورك و كام ثانية ثم التانى و هكذا
- 12
نسيبهم حوالى ساعه الا عشر دقايق و علامة السوا انك لو غرستى سكينة تدخل معاكى بسهولة و تحسي انك داخلة فى لحم مستوى و نرفعهم من النار من غير فتح الفويل
- 13
نفتح الفويل بعد ما يبرد علشان الرز مايطلعش من الورك
- 14
بعد مابرد نفك الفويل
- 15
و ندهن الاوراك بشوية صلصة عليها نقطة زيت و رشة ملح و فلفل و نحطها تحت الشواية بالفرن تاخد اللون و بالهنا و الشفا 🙄
من تفاعل بإيموجي
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفة من
وصفات مشابهة
-
-
-
-
-
-
-
الحمام الكداب باسهل طريقه مع افتكاسات لوكا الحمام الكداب باسهل طريقه مع افتكاسات لوكا
#كوكباد_بريميوم الحمام الكداب باسهل طريقه مع افتكاسات لوكا
-
وصفات ننصحك بمشاهدتها
التعليقات