كباب خشخاش

اول شي منغسل حبات البندوره والفليفله بحطن بصينيه فرن وبدهنن بزيت زيتون بغطي الصينيه وبدخلهم فرن حامي تقريبا نص ساعه اذا كان الشوي علفحم شكي البندوره وشويها علفحم

منتبل اللحمه ملعقه كبيره ملح وفلفل وبهار اللحمه ومنفرم معها البصله والبقدونس والتوم اذا بدك تشويها بلفرن انقعي السياخ الخشبيه بلمي مده ربع ساعه وبلشي شكي الكباب وحطيهم على طرف صينيه وخلي بلصينه شويه مي منشان الدهن يلي بدو ينزل ماتحترق الصينيه

منطلع حبات البندوره ومنقشرها ومنقشر الفليفله وبحطن بلخلاط مع المي والزيت يلي نزل من البندوره بضيف عليهم ملعقه صغيره ملح وملعقه شطه وملعقه صغيره دبس الرمان وبخفقن شوي ضربات متقطعه منشان ماينهرسو كتير

بطلع الكباب من الفرن وبحط بجاط فرن كميه من البندوره وبصف عليها سياخ الكباب وبدخلها فرن شوي ياخدو الطعمه

بجيب خبز شامي بفتح الخبزه وبدهن قلبها بصوص البندوره وبسكرها وبحط شويه زيت علشوايه وبحمر رغيف الخبز علجهتين

سلطه البيواز بتتقدم مع المشاوي عباره عن بقدونس مفرم بصله مقطعه جوانح ملعقه سماق ومنخلطن مع بعض