اول خطوه ننقع العدس من قبل ب يوم واحد تاني يوم مصفيه منه ميته..

في حله نسلق المكرونه سلقه متماسكه..ثم نصفيها..وفي حله علي النار نضيف معلقه زيت اول م تسخن نطفي النار ونرش فلفل اسود بسيط جدا ونضيف المكرونه تدريجيا مع التقليب..وده هيخليها مفرفطه جدا مهما بردت.

في حله تانيه نحمر الشعريه في شويه زيت.وكميه العدس والشعريه مع بعض يكونو نفس كميه الرز..ثم نضيف العدس ثم الرز المغسول والمتصفي والتكه المهمه هنا عقد الميه مش زي العادي..هنضيف ميه بيادووب تغطي وش الرز..مسيبهم على نار عاليه لحد م يتشرب بعدين نهدي النار ونتابع بالتقليب من تحت لفوق لحد ميستوي

ومنغطيش عليه تماما..نوارب عليه الغطا بس عشان ميعجنش

البصل قطعته جوليان رفيع خالص وفرفطته من بعضه ب ايدي وحمرته في زيت غزير لحد م اخد لون حلو..

الحمص ننقعه قبلها بشويه ونسلقه عادي جدا.

الصلصه بقي..في حله عالنار هنضيف ربع كوبايه زيت ومعلقه كبيره ثوم مفروم ونص معلقه كسبره ناشفه.وقبل مالثوم ياخد لون نطفي بالخل ونسيبهم دقايق وبعدين نضيف لتر عصير طماطم ومعلقه كبيره صلصه طماطم ونسيبهم يتقلو بعدين نضيف ملح وفلفل والسبع بهارات..وتقليبه ونطفي عليها..

الشطه بقي...شطه بودره نضيفلها معلقتين زيت وكبشه من صلصه الكشري وكده جاهزه معانا...

الدقه..معلقه كبيره ثوم مفروم هنفركها مع نص معلقه كبيره من الكسبره ونص من الكمون وعصير ليمونه..وربع كوبايه خل ونص كوبايه ميه...

كده كله جاهز معانا نغرف الرز وبعدين المكرونه وبعدين الصلصه والحمص والبصل..جربوها هتعجبكم جدااااا