أول شي نحضر الماء الدافئ ونذوب فيه الخميرة مع ملعقة السكر لتفور..

نأخذ كأس من الطحين المخلوط مع النواشف ونفركه بالزيت النباتي ونضيفهم لوعاء الخميرة ونضيف معهم (الحليب أو الماء) ونعجنها حتى نحصل على سائل كثيف وسميك.. نغطي الوعاء بنايلون من كل الأطراف ونتركه بمكان دافي نصف ساعة ورح تلاقيها نفشت قبل نصف ساعة..

بعد ما تخمرت نصف ساعة نضع النواشف الباقية مع ربع ملعقة صغيرة ملح ونخلطهم منيح بملعقة وبعدها نعجنها باليد حتى نحصل على عجينة مطاطية لزجة شووي رشولها رشة طحين خفيفة ولاتكتروا طحين وتنشفوا العجينة خلوها تلزق باليد شوي لتعطيكم هشاشة واخبطوا العجينة بالوعاء كذا مرة ورح تلاقوا نتيجة مذهلة..

غطوها بنايلون طعام ساعة واستعملوها.. فيكم تستخدموها لأي نوع معجنات ورح تدعولي وصحة وهناا..

ملاحظة😍 السكر بسرع تفاعل الخميرة والملح عكس السكر 👍👍

خطوات العجينة الفرنسية بصورة واحدة👍

طريقة حشوة البرك: نغلي الحليب ونضع له شوية حمض الليمون أو خل ليفرط ونصفيه بيطلع عنا قريشة. نبشر الجبنة البيضاء بوعاء ونضيف القريشة و رشة ملح ونقلب وتستعمل للبرك..

لصنع البرك الهشة🌟 نفرد العجين بالشوبك بسماكة عادية ونقطعهم بقطاعة العجين دوائر ونحشيها ونسكرها ونضعها على صينية مرشوشة طحين..

حميت الزيت النباتي لحمي حماوة طبيعية ونزلت أول وجبة وماكترت كتير بالوجبة وقلبتهم لتشمعوا وصار لونهم أبيض..

بعدماصار لونهم أشقر ذهبي قمتهم لأنو بيغمق لونهم بعد مانقيمهم من الزيت... وضعت البرك بمصفاة ونزلت وجبة تانية..

والبرك صاروا جاهزين للتقديم وصحة وهناااا...m.q

خطوات صنع البرك بصورة واحدة👍

وهي موديل البرك من الداخل عجينة هشة ومستوية وغير سكل في ناس مابتحط خميرة للبرك بس عيلتي هيك بتفضلها😍

أتمنى أن تنال اعجابكم وصفتي Masa Queen

جربوها ولاتنسوني من دعواتكم🌷