كنافة بالمانجو و كنافة بالشوكلاتة
الخطوات
- 1
هنحط الكنافة في الفريزر نص ساعة ونطلعها نكسرها فتافيت صغيرة
- 2
هنعمل الشربات هنحط السكر على المياه على الفانيليا مع التقليب المستمر ونسيبها تبرد ونحطها في التلاجة على ما نخلص اللي ورانا
- 3
هنجيب صينية ونحمر الكنافة جزء جزء في الزيت والزبدة وطبعا مع التقليب المستمر
- 4
هنقطع المانجو قطع صغيرة
- 5
هنعمل الكريم الشانتيه يعني نحط محتويات العبوة على نص كوب اللبن البارد ونضربه كويس لحد ما يتقل اوي لو بالمضرب اليدوي هياخد من 5 ل 7 دقايق
- 6
هنجيب البولات اللي هنقدم فيها ونحط طبقة كنافة ياريت متكونش بردت خالص وعليها قطرات من الشربات وبعدين طبقة خفيفة كريم شانتيه وفيها قطع مانجو وممكن نحط على المانجو شربات خفيف جدا وبعدين طبقة كنافو وبردو عليا قطرات شربات والطبقة الاخيرة كريم شانتيه ومانجو وممكن التزيين مكسرات او حسب الرغبة
- 7
بالنسبة للشوكلاتة نفس الخطوات لكن استبدال المانجو بالشوكلاتة وعدم وضع كريم شانتيه في النص.. على الوش بس او بلاش خالص بردو حسب الرغبة
وصفات مشابهة
-
-
-
-
-
-
-
-
كنافة بالمانجو والكريما 🥭 كنافة بالمانجو والكريما 🥭
طبقات من الكنافة المفرومة مع الكريما المخفوقة المُشَرَّبة بعصير المانجو وقطع المانجو الطازجة 🥭
-
-
-
وصفات ننصحك بمشاهدتها
التعليقات