الكبد والقوانص هناخدها ونضربها فالكبة بلاش الخلاط لغاية ماتبقى معاكى سائله بس فيها بقايا فرم شويه وتوقفى الكبه متقلقيش من شكلها صدقينى هتبهرك بعدين

هنجيب طاسه مع معلقتين كبار من الزيت وهنحط معاهم البصل المفروم لغايه ما يدبل

هنحط معاها الكبد والقوانص المفرومه لحد ما تستوى شويه وبعدين هنحط معاها الملح والفلفل الاسمر والفلفل الاخضر وتقلبيها تقليبه صغيرة عشان متفروكش منك وتسيبيها ربع ساعه عالنار وتطلعيها هتنفع معاكى ف المكرونه ب البشاميل الجولاش اى حاجه محتاجه ل اللحمه المفرومه صدقينى مش هيبقى فى فرق بينها وبين اللحمه العاديه مش بس توفير لا وكمان تغيير 😉