عصيدة التمر الحضرمية

نزلي النوى من التمر واخلطيه بالماء في الخلاط وصفيه حطيه على النار وحطي الحبة السوداء والملح لين يثقل شوي ولما تطلع الرغوة نزليها و تخلصي منها

حطي الطحين والحيدوان اخلطيهم اذا عندك عجانة اعجنيه فيها لأنه حار جدا اول شي حطي نص كميه المريس بوعاء العجانة وخلي الباقي على جنب وحطي الطحين على دفعات واستمري بالعجن لين يصير عجين رطب يلزق اذا ما ماصار رطب زيدي المريس

نزلي العجين وحطيه بقدر الضغط وضيفي نص المريس الى خليناه على جنب واعزلي قياس نص كوب مريس وخليه على جنب وغطيه لما يصفر قدرالضغط وطي النار خليه ساعة

لماتمر ساعة نزليه من قدر الضغط وارجعي اعجنيه بالعجانة لما تشوفي تكتلات حاولي تخليه يعتجن لين تخف التكتلات وتصير عجينه متماسكة اذا صارت يابسة كل شوي رشي ماء عليها لين تصير لينة بس ماتلزق كثير

كوري العجينة بيدك وحطيها بقدر وضيفي كمية المريس الباقية وحطيه بالفرن المسخن مسبقا بدرجة متوسطة مدة نصف ساعة

تالي نزليها وارجعيها مرة أخرى للعجانة لين تتماسك وماتلتصق جيبي وعاء وادهنيه بزيت السمسم (المعصر)وضعي العصيدة في الوعاء ورشي زيت وملسيها واحفري حفرة في الوسط حطي فيها زيت سمسم وقدميهامع السكر المطحون

خطوات كثيرة ومكررة ومتعبة لاكن الطعم روووووعة وجبة تدفي بالبرد وتستاهل التعب 😘✌