حمام كداب

اول مرة اعمل لخطيبي اكل من إيدي وكان منبهر ومتفاجئ اوي 😂😂
حمام كداب
اول مرة اعمل لخطيبي اكل من إيدي وكان منبهر ومتفاجئ اوي 😂😂
الخطوات
- 1
بتجيبي وراك فراخ مخليه.. و بتجهزي رز ببصل بشويه بهارات وملح وفلفل وكمون وتشويحها كويس على النار في ملعقة سمنة
- 2
وبعدين تجيبي الوراك المخلية وتحطي فيها شويه رز وتلفي الورك رول كدا وتمسكيه ب خيط من على الاطراف وتحكمي الربط كويس بالجلد بتاع الورك وبعدين تلفيه في ورق فويل
- 3
وتكوني مجهزة شوربة عبارة عن ماية وفيها التوابل بتاعتك و بصلتين وتحطي فيهم الوراك بالورق الفويل و اول ما الشوربة تغلي توطي عليهم خالص وتسبيهم براحتهم لحد ما يستووا ييجي ساعة كدا مثلا على نار هااادية على الرول ميتفكرش ويتهري
- 4
لما تطلعيه م الشوربة تشيليه من الورق الفويل و تقطعي الخيط ب مقص بشويش من غير ما الرول يتفك او يتهري و تدهني صلصة او كاري او بابريكا او اي حاجة بتحبي تحمري بيها وتحطيها تحت الجريل في الفرن لحد ما تتحمر وبالهنا والشفا ❤
- 5
شوية ملحوظات بقا لزوم الحبشتكانات..
- 6
الخيط اسمه خيط حرير اشتريه من عند بتاع الخرز والاكسسورات علشان بيكون ناعم و في نفس الوقت تخين و قوي علشان ميمسكش في الجلد ومتعرفيش تفكيه منه.
- 7
لرز بيتشوح علشان يستوي شوية لان الوراك مبتاخدش سوا خالص في ممكن الرز يكون ني مع ان اللحمة نفسها استوت جدا.
- 8
بنوطي النار خالص علشان يستوي براحته والرز يستوي كويس
- الفراخ بتكون بيضة مش بلدي علشان الفراخ البيضة بتستوي بسرعة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات