الخطوات
- 1
في الكبة افرمي اللية كويس جدا وطلعيها في الطبق اللي هنعجن فيه
- 2
انقعي البرغل في مية دافية حوالي ربع ساعة وبعد كده صفيه كويس
- 3
وبعدين حطي البصل في الكبة مكان اللية وافرميه فرم ناعم وصفيه كويس من ميته لاننه هنستخدم تفل البصل بس في العجن
- 4
في طبق هنحط اللية وعليها اللحمة وتفل البصل والبرغل والبقدونس المفروم والملح والفلفل والبهارات ونعجنهم كويس
- 5
هنشكل اصابع الكفتة بحيث تبقى مجوفة من جوة ونرصها في صينية
- 6
مية البصل اللي فضلت هتلاقيها تخينة شوية لانها واخدة بواقي اللية اللي في الكبة حطيها على وش الصينية قبل دخولها الفرن
- 7
ندخلها الفرن على درجة حرارة عالية لمدة 20 دقيقة تقريبا
- 8
في الوقت ده نجهز سلطة المشاوي
- 9
نقدمها فوق السلطة وبالهنا والشفا
درست العلوم البيولوجية بكل حب وحصلت على درجة الماجستير فيها .. اهتمامي ببيتي وأولادي أدهم وزياد عطلني عن الدكتوراة ولكن كله يهون عشان خاطر عيونهم 😍و رغم ضيق وقتي بين الشغل وأولادي الصغيرين 🙋🙋 ربنا يباركلي فيهم ..... إلا إني عندي يقين تام ان ست الهوانم اللي بجد هي اللي بتدخل المطبخ وتعمل لجوزها وأولادها وصفات جديدة بتتعلمها من هنا وهناك و مبتنساش تحط لمساتها عليها 😎مبقيش يقنعني أكل المطاعم عشان لقيتني باعرف اعمل زيه ويمكن احسن😋 ويكفي ثقتي في نظافة وسلامة كل مكون من مكونات طبختي 🤓وعيلة كوكباد ليها فضل كبير عليا يكفي انها خلتني احب المطبخ 😍 وافرح حبايبي الصغيرين و باباهم ربي لايحرمني منه
اقرأ المزيد... وصفات مشابهة
وصفات ننصحك بمشاهدتها
https://cookpad.wasmer.app/eg/%D9%88%D8%B5%D9%81%D8%A7%D8%AA/4368383
التعليقات